GEIIIILL!!! unn wann de Tarzan in die Rende geht, hämmer in de erscht Liga bloß noch Lautrer Goolmänner
Awwer ob mer dann nochemol Määschter mache kennen?
Awwer im Ernscht,
de Robles is doo, de Trapp kummt hinnenoch unn de Klää werd aach grad fit gemacht.Sollen die all dobleiwe? Lossen die Buwe norre gehe. De Gerry is halt emol de beschte tw trainer in Deitschland unn wann se do owwe uff´m Bersch in de letschte 20 Joohr all eer Ärwet so gemacht hätten wie der Mann wären di Zwockel abgschtieche unn mer hätt´n heit denne eer Kohle. Hänner im Pokalschpiel gsehe wie der Wiese dem Fischkopp denne Balle vum Schlappe getrete hott? Isch hab jo grad gemäänt isch bin 20 Joohr Jinger, steh in unserer Kurv`unn mer hänn uff´m Betze die vorkriminelle Zeit. Mit eem klääne Unnerschied: Beim Wiese isser noch weitergeloffe awwer beim Tarzan häätt der een Satz gemacht wie ä Kängeruh und de Schwanz oigeklemmt wie een Hund wans dunnert. Des war hunnertprozentisch em Gerry soi Schul. Die äldere vunn eich wärren mer Rescht gewwe. Awwer zum Schluß noch ä klää Rätsel: Wissen eer was die aus de kriminelle Zeit mit unserm schääne FCK heit noch gemoinsam hänn? Net? Is doch ääfach. Ebbe in de Kass. Bloß bei denne hocken die Kohle heit bei de Fraue unn de Kinner.So eer Leit, jetzt binn ich awwer widder vum Aarschbacke zum kuchebacke kumme awwer des hot mer heit halt so rischtisch Schpaß gemacht. Hach eer Leit, was deden meer mache wemmer de Betze net hätten: Die Fraa wär genervt, die Kinner deden quängele, uff der Äärwet hätten mer nix zum Redsche unn in de Kneip nix zu dischbediere. Isch muß dem Herrgott irgendwann doch Dankschää sache, daß er misch hott Pälzer werre losse unn kään Depp.
Jetzert noch 3 Punkte bei de Ossies unn de Feierdaach is gerett
Man muss das Unmögliche versuchen, um das Mögliche zu erreichen.
Hermann Hesse
